Музейлар фақатгина маданий қадриятлар намойишигина бўлиб қолмасдан, улар бизни ўтмиш саёҳатига чорловчи йўлчи юлдуз ҳамдир. Ўзбекистон музейлари 130 йиллик тарихга эга. Мамлакат миқёсида мунтазам фаолият юритаётган 1200 дан зиёд турли йўналиш ва соҳа музейлари ташриф буюрувчиларни мамнун қилиб келмоқда. Музейлар маънан бойиб, мунтазам кенгайиб боради. Ушбу мақола сизга Ўзбекистон музейларига бирров назар солиш имконини беради.

Ўзбекистон Давлат тарих музейи

Мазкур музей Ўзбекистон Республикаси Фанлар Академияси Археология институти қошида фаолият юритади. Республикадаги энг кекса ҳамда муҳим аҳамиятга эга музейлардан бири бўлмиш бу масканда 250 мингдан зиёд экспонатлар сақланади. Музейга 1876 йилда асос солинган бўлиб, ҳозирги кунга қадар унда кўплаб тадқиқотлар олиб борилади. Музейнинг бой экспозицияси Ўзбекистоннинг тош асридан бошлаб бугунги замонавий тарихига оид маълумотларни намойиш этади. Хусусан, қадимий экспонатлар ўрин олган бўлим кишида катта қизиқиш уйғотади: тош буюмлар, қоятош суратлари, петроглиф, неандерталнинг скелети ва бошқалар.

Термиз археология музейи

Музей 2001 йилдан фаолият кўрсатиб келмоқда ва ҳақли равишда республикадаги энг яхши ҳамда қизиқарли археология “сарой”ларидан саналади. Ташриф буюрувчилар диққатига музейнинг таассуротли, жумладан, лойдан ясалган салмоқдор чўмилиш тоси, қачонлардир аҳамонийлар қасрини безаб турган, қайта тикланган деворий суратлар, қаҳрамонларнинг лой ҳайкаллари, Будда ҳайкали ҳамда ибодатхона ёзувлари ҳавола қилинган бўлиб, улар одамларга тарих нафасини ҳис қилишига имкон беради. Музейдаги жами экспонатлари сони тахминан 27,000 намунани ташкил этади, улардан 16 мингдан зиёдини ноёб китоб ва қимматбаҳо қўлёзмалар ташкил этади.

Афросиёб музейи

Афросиёб музейи Самарқанддаги эрамиздан аввалги VII – VIII асрларда бу ерлар гуллаб-яшнаган қадимий Афросиёб шаҳри харобалари бағрида жойлашган. Бугунги музейга XX асрнинг 70-йилларида асос солинган, зеро археологлар томонидан Афросиёб IX асрнинг охирларида топилган. Қазилма ишлари натижасида топилган бебаҳо топилмалар музейнинг икки қаватидан ўрин эгалаган. Афросиёб музейи экспозицияси ташриф буюрувчиларга Самарқанд шаҳри тарихининг диққатга сазовор жиҳатларини даврий кетма-кетликда ҳикоя қилади.