Воқеалар тақвими

Галерея


Facebook



Жамият делегациясининг Германияга ташрифи

Жамият делегациясининг Германияга ташрифи 24.03.2014

2014 йилнинг 4 мартидан то 31 мартигача: юқорида келтирилган санада жамият делегацияси Бонн шахридаги “Немис-ўзбек” дўстлик жамияти таклифига биноан Германига сафар қилди.

Ташриф гурухи таркибида Сирғали саноат касб-хунар коллежи талабалари хам бўлиб, улар Наврўз байрамини кенг тарзда Бонн шахрида нишонланишига катта хисса қўшишди. Байрамга таёргарлик Ўзбекистоннинг Франкфурртдаги консуллиги, Берлиндаги элчихонаси, хамда “немис-ўзбек” жамиятининг узвий ёрдамида олиб борилиб, ушбу юқоридаги хамкор жамиятнинг 20 йиллигига бағишланди.

Гурухимиз таркибидаги бўлғуси ошпазлар байрам иштирокчиларига нафақат ўзбек миллий  таомлари билан, балки ўзбекона лутф ила тақдим этилган тўй маросимидан кичик кўринишлар, рақслар ва халқ ўйинлари орқали завқу-шавқ улашишди.

Ташрифдан асосий мақсад нафақат байрамдаги иштирок, балки ёшлар ўртасидаги дўстона алоқаларни мустаҳкамлаш хамдир. Шунга монанд саёхат дастуримиз давомида Бонн шахридаги Роберт Ветцлар номидаги  касб-хунар коллежга ташриф буюрик.У ердаги рахбарият бизни Олмониядаги касб-хкнар таълими, коллежнинг халқаро дастурлари билан таништириб хамда дарс жараёнларини бевосита кузатиш имконини тақдим этдилар. Коллежга ташриф сўнгида немис дўстларимиз жамият делегациясини шукуҳли тушликка таклиф қилди ва бу орада бизнинг ёш талабалар ўзларини қизиқтирган саволларга жавоб олиб немис талабалари билан ўзаро фикр алмашишди.

Ташрифнинг маданий дастури бўйича талабалар Бонн ва Кёлн шахарларининг диққатга сазовор жойларини айланишди ва ушбу экскурсия давомида бизларга “немис-ўзбек”жамияти аъзолари хамкорлик қилишди.

 

Шу ўринда жамият делегацияси аъзолари Германияга ташрифни ташкиллаштириш ва ўтказишда қўллаб-қувватлаган барча-барчага ўзларининг чуқур миннатдорчилигини изхор этиб қоладилар.